Snjókast Lunda

Hvernig virkar vindurinn í Snjókasti?

Vindurinn stendur efst á skjánum og hann hrekur snjóboltann til hliðar á fluginu. Hann breytist milli kasta, svo skotið sem hitti í síðustu umferð hittir ekki endilega núna. Þess vegna dugir ekki að læra eitt gott horn heldur þarftu að lesa vindinn upp á nýtt fyrir hvert kast.

Landslagið breytist líka. Snjórinn grefst sundur þar sem boltarnir lenda, svo fjallið milli liðanna lækkar eftir því sem líður á, og lundi sem missir fótanna getur dottið í sjóinn. Tvö lið eru í leik með tvo lunda hvort. Þú dregur fingurinn aftur frá lundanum sem á leik, eins og teygjubyssu, og sleppir. Lundi sem verður fyrir bolta breytist í snjókarl og er úr leik, og liðið sem frystir alla andstæðingana vinnur. Þú getur spilað við tölvuna eða við vin í sama síma.