Persónuvernd

Í stuttu máli

• Þú getur spilað alla leikina án þess að skrá þig. Þá vitum við ekki hver þú ert.
• Ef þú stofnar aðgang geymum við netfangið þitt, nafnið sem þú velur og framvinduna þína í leikjunum.
• Nafnið sem þú velur sést á vikulistanum. Þú mátt alveg nota dulnefni.
• Við seljum aldrei upplýsingar um þig og það eru engar auglýsingar á Kokomo.
• Mælingar sem segja okkur hvaðan þú komst fara aðeins í gang ef þú velur „Samþykkja“. Leikirnir virka alveg eins ef þú hafnar.
• Ef þú ert yngri en 13 ára þarftu leyfi foreldris eða forsjáraðila til að stofna aðgang.
• Þú getur alltaf beðið okkur um að sjá eða eyða öllu sem við geymum um þig.

Hér fyrir neðan er allt nánar útskýrt.

1. Hver ber ábyrgð á upplýsingunum

Kokomo er rekið af Nordic Dynamic ehf., kt. 580711-0810, Bræðratunga 16, 200 Kópavogur. Fyrirtækið er ábyrgðaraðili þeirra persónuupplýsinga sem lýst er hér. Spurningar um persónuvernd sendast á kokomo@kokomo.is.

Stefnan byggir á lögum nr. 90/2018 um persónuvernd og vinnslu persónuupplýsinga og almennu persónuverndarreglugerðinni (GDPR).

2. Þegar þú spilar án aðgangs

Leikstaða og stillingar eru geymdar í vafranum þínum (localStorage) og fara ekki til okkar. Þetta er nauðsynlegt til að leikirnir muni hvar þú varst og hvort þú valdir ljóst eða dökkt útlit.

Nafnlaus talning. Þegar þú opnar leik eða klárar hann skráum við atburðinn: hvaða leikur það var, hvort tækið er sími, spjaldtölva eða tölva, og hvort síðan er á íslensku eða ensku. Ekkert auðkenni fylgir, ekkert er skrifað í tækið þitt og við getum ekki tengt tvær heimsóknir saman. Þetta notum við til að vita hvaða leikir eru spilaðir og hvað þarf að laga. Grundvöllurinn er lögmætir hagsmunir okkar af því að reka og bæta vefinn.

Villuskráning. Ef eitthvað bilar á síðunni sendir vafrinn okkur villuboðin, slóð síðunnar og tegund vafrans. Þessu er eytt sjálfkrafa eftir 30 daga. Grundvöllurinn er lögmætir hagsmunir af því að halda vefnum gangandi.

Ábendingar. Ef þú sendir okkur ábendingu geymum við textann, hvaða leik hún varðar og tegund vafrans. Við biðjum þig að skrifa ekki nafn eða aðrar persónuupplýsingar í ábendingar. Ábendingum og villuboðum er safnað saman í verkefnalista hjá GitHub, og við notum gervigreindartól (Claude frá Anthropic) til að flokka þær og finna lausnir. Ábendingum er eytt eftir 24 mánuði.

Veðrið á forsíðunni er sótt beint frá Open-Meteo, svissneskri veðurþjónustu. Vafrinn þinn tengist henni til þess og hún sér því IP-tölu tækisins. Engar aðrar upplýsingar fara til hennar.

Talæfingar. Í „Fyrstu skrefin í íslensku“ geturðu æft framburð með hljóðnemanum. Það notar talgreiningu sem er innbyggð í vafrann þinn, og hljóðið fer til framleiðanda vafrans (til dæmis Google í Chrome) en aldrei til Kokomo. Hljóðneminn fer aðeins í gang þegar þú ýtir á hann.

Netþjónar. Eins og á öllum vefjum sjá netþjónarnir sem hýsa Kokomo IP-tölu þína þegar þú sækir síðu. Hýsingaraðilar okkar geyma slíkar tengingarskrár í stuttan tíma í öryggisskyni. Við notum þær ekki til að greina hver þú ert.

3. Ef þú velur „Samþykkja“ í vefkökuborðanum

Þá bætast við mælingar sem segja okkur hvernig fólk finnur Kokomo og hvort það kemur aftur:

• Okkar eigin mæling. Handahófskennt númer er vistað í vafranum þínum svo við sjáum hvort sami vafri kemur aftur. Auk þess skráum við hvaðan þú komst (til dæmis leitarvél eða lén síðunnar sem vísaði á okkur, aldrei sjálfa slóðina), hvort þetta er fyrsta heimsókn, og ef þú hefur skráð þig inn tengjum við atburðina við aðganginn þinn.
• Google Analytics. Google safnar sambærilegum upplýsingum fyrir okkur og setur eigin vefkökur. Google vinnur gögnin sem vinnsluaðili okkar.

Grundvöllurinn er samþykki þitt. Þú getur dregið það til baka hvenær sem er með því að smella á „Vafrakökur“ neðst á hverri síðu og velja „Hafna“. Þá hættir mælingin og númerinu er eytt úr vafranum.

Ef þú hafnar eða svarar ekki borðanum fer aðeins nafnlausa talningin úr kafla 2 fram.

4. Ef þú stofnar aðgang

Aðgangur er valfrjáls. Hann gerir þér kleift að halda framvindu, pálmum og búningum milli tækja.

Það sem við geymum:

• Netfang og lykilorð. Lykilorðið er geymt dulritað og enginn hjá Kokomo getur lesið það.
• Innskráning með Google. Google sendir okkur nafnið þitt, netfangið og slóð á prófílmyndina þína. Við notum netfangið til innskráningar en birtum hvorki nafnið þaðan né myndina.
• Birtingarnafn sem þú velur og getur breytt hvenær sem er. Ef þú velur ekkert nafn færðu „Lundi“ og fjóra tölustafi.
• Leikjagögn: framvinda í hverjum leik, stig, sigurgöngur, afrek, pálmar, það sem þú hefur keypt fyrir pálma og búningur Lundans þíns.
• Vinir, gjafir og einvígi, ef þú notar þá möguleika: hverjir eru vinir þínir, hvaða gjafir þú sendir og færð, og úrslit einvígja.
• Boðshlekkir: ef þú skráðir þig gegnum hlekk frá öðrum notanda skráum við hver bauð þér, svo viðkomandi fái pálmana sína.
• Ýtitilkynningar: ef þú kveikir á þeim geymum við tæknilega slóð sem vafrinn gefur upp, svo við getum minnt þig á sigurgönguna. Þú getur slökkt á þeim í aðgangsglugganum eða í vafranum.
• Markpóstur: ef þú hakar við að fá fréttir í tölvupósti geymum við það val og hvenær það var gert. Þú getur afþakkað hvenær sem er í aðgangsglugganum eða með hlekk í hverjum pósti.
• Aldursstaðfesting: að þú hafir staðfest að vera 13 ára eða eldri, eða hafa leyfi foreldris, og hvenær.

Grundvöllur: Aðgangurinn og það sem honum fylgir byggjast á samningi okkar við þig (skilmálunum). Ýtitilkynningar og markpóstur byggja á samþykki þínu.

5. Hvað sést opinberlega

Á vikulistanum sést birtingarnafnið þitt, stigin þín, sigurgangan og búningur Lundans. Allir sem heimsækja Kokomo geta séð listann. Notaðu dulnefni ef þú vilt ekki að aðrir þekki þig, og skrifaðu aldrei fullt nafn þitt sem birtingarnafn ef þú ert barn.

Vinir þínir sjá auk þess nafnið þitt og pálmafjöldann þinn á vinalistanum.

Allt annað sem tengist aðganginum þínum er aðeins sýnilegt þér.

6. Börn

Kokomo er fyrir alla aldurshópa og margir notendur eru grunnskólanemendur. Þess vegna:

• Allir leikir eru opnir án aðgangs og án mælinga.
• Til að stofna aðgang þarf að vera 13 ára eða eldri. Yngri börn mega stofna aðgang með leyfi foreldris eða forsjáraðila, eins og 10. gr. laga nr. 90/2018 gerir ráð fyrir.
• Við sýnum engar auglýsingar, gerum enga prófílgreiningu og tökum engar sjálfvirkar ákvarðanir um notendur.
• Foreldrar og forsjáraðilar geta haft samband fyrir hönd barns síns til að fá að sjá, leiðrétta eða eyða gögnum þess.
• Ef við komumst að því að barn yngra en 13 ára hefur stofnað aðgang án leyfis getum við eytt aðganginum.

7. Skólar og kennarar

Sumir kennarar senda nemendur á Kokomo, þótt vefurinn sé til gamans en ekki yfirfarið námsefni. Fyrir þá skiptir þetta máli:

• Nemendur þurfa engan aðgang til að spila, og við mælum með að þeir spili án aðgangs.
• Kokomo safnar engum bekkjarlistum, nemendanúmerum eða einkunnum og tekur ekki við gögnum frá skólum.
• Kokomo ber sjálft ábyrgð á vinnslunni sem lýst er hér. Skóli sem vísar nemendum á vefinn er ekki vinnsluaðili okkar né við hans.
• Ef skóli þarf upplýsingar um vinnsluna fyrir eigið mat svörum við gjarnan á kokomo@kokomo.is.

8. Hverjir vinna gögnin með okkur

Við seljum aldrei persónuupplýsingar. Eftirtaldir þjónustuaðilar vinna gögn fyrir okkar hönd og aðeins í þeim tilgangi sem hér er lýst:

Þegar gögn fara út fyrir Evrópska efnahagssvæðið byggir flutningurinn á gagnaverndarramma ESB og Bandaríkjanna (EU-US Data Privacy Framework) þar sem aðilinn er vottaður, og annars á stöðluðum samningsskilmálum framkvæmdastjórnar ESB.

9. Hve lengi við geymum gögn

Þegar aðgangi er eytt eyðum við netfanginu, birtingarnafninu og öllum leikjagögnum, og aftengjum mælingar frá aðganginum. Upplýsingar sem eru í öryggisafritum hverfa þegar afritið rennur út, í síðasta lagi eftir 90 daga.

10. Réttindi þín

Þú átt rétt á að:

• fá að vita hvaða upplýsingar við geymum um þig og fá afrit af þeim,
• fá rangar upplýsingar leiðréttar,
• fá upplýsingunum eytt,
• fá gögnin þín afhent á tölvutæku formi,
• andmæla vinnslu sem byggir á lögmætum hagsmunum,
• takmarka vinnslu meðan athugasemd er skoðuð,
• draga samþykki til baka hvenær sem er, án þess að það hafi áhrif á það sem gert var áður.

Sendu beiðni á kokomo@kokomo.is frá netfanginu sem aðgangurinn er skráður á, svo við vitum að beiðnin sé frá þér. Við svörum innan mánaðar.

Ef svar okkar dugar þér ekki geturðu kvartað til Persónuverndar (personuvernd.is).

11. Vefkökur og geymsla í vafranum

Kokomo setur sjálft engar hefðbundnar vefkökur. Við notum geymslu vafrans (localStorage) fyrir leikstöðu, stillingar og innskráningu, sem er nauðsynlegt til að vefurinn virki. Val þitt í vefkökuborðanum er líka geymt þar.

Mælingar úr kafla 3 og vefkökur Google Analytics eru aðeins virkjaðar ef þú velur „Samþykkja“. Þú getur breytt valinu hvenær sem er undir „Vafrakökur“ neðst á síðunni.

12. Öryggi

Gögnin eru send dulkóðuð, aðgangur að gagnagrunninum er takmarkaður svo hver notandi sér aðeins sín gögn, og öryggisafrit eru dulkóðuð. Aðeins eigandi Kokomo hefur aðgang að stjórnborðinu.

13. Breytingar á stefnunni

Ef við breytum stefnunni uppfærum við dagsetninguna efst. Ef breytingin skiptir máli fyrir þá sem eiga aðgang látum við vita á vefnum eða í tölvupósti áður en hún tekur gildi.

14. Hafðu samband

Nordic Dynamic ehf., kt. 580711-0810, Bræðratunga 16, 200 Kópavogur, kokomo@kokomo.is. Sjá einnig skilmála og samskiptasíðu.